திருடு போன. இருசக்கர வாகனங்கள் - மடிக்கணினி - செல்போன்கள் மீட்பு : மாவட்ட காவல் கண்காணிப்பாளர் பாராட்டு

 

தூத்துக்குடி தென்பாகம் காவல் நிலைய எல்லைக்குட்பட்ட பகுதிகளில் 8 இடங்களில் திருட்டு, கொள்ளை வழக்குகளில் சம்பந்தப்பட்ட இளஞ்சிறார்கள் உட்பட 5 பேர் கைது - ரூபாய் 1.75 லட்சம் மதிப்புள்ள 5 இருசக்கர வாகனங்கள், மடிக்கணினி மற்றும் 7 செல்போன்கள் மீட்பு - கைது செய்த தனிப்படையினருக்கு மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் பாராட்டு.

         கடந்த சில நாட்களாக தூத்துக்குடி தென்பாகம் காவல் நிலைய எல்லைக்குட்பட்ட பகுதிகளில்; சில இடங்களில் திருட்டு சம்பவங்கள் நடந்தது. இதுகுறித்து மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் தூத்துக்குடி நகர காவல் துணை கண்காணிப்பாளர் திரு. கணேஷ் அவர்கள் மேற்பார்வையில் தென்பாகம் காவல் நிலைய உதவி ஆய்வாளர் திரு. வேல்ராஜ், தலைமை காவலர் திரு. பென்சிங், தூத்துக்குடி வடபாகம் காவல் நிலைய முதல் நிலை காவலர் திரு. மாணிக்கராஜ், தெர்மல்நகர் காவல் நிலைய முதல் நிலை காவலர் திரு. சாமுவேல், வடபாகம் காவல் நிலைய காவலர் திரு. மகாலிங்கம், தென்பாகம் காவல் நிலைய காவலர் திரு. திருமணிராஜன், முத்தையாபுரம் காவல் நிலைய காவலர் திரு. முத்துபாண்டி ஆகியோர் அடங்கிய தனிப்படை அமைத்து உத்தரவிட்டார்.

       மேற்படி தனிப்படையினர் சம்பவ இடங்கள் மற்றும் அருகில் உள்ள சி.சி.டி.வி பதிவுகளின் மூலம் தீவிர விசாரணை மேற்கொண்டதில் தூத்துக்குடி மீனவர் காலணியைச் சேர்ந்த லேயோன் மகன் மரியக்கண் ஜென்ஸ்டன் (20) மற்றும் 15, 16 வயது மதிக்கதக்க நான்கு இளஞ்சிறார்கள் ஆகியோர் சேர்ந்து தென்பாகம் காவல் நிலைய எல்லைக்குட்பட்ட பகுதிகளில் கடந்த 28.04.2021 அன்று அண்ணாநகர் பகுதியில் உள்ள ஒரு கோயில் முன்பு நிறுத்தியிருந்த ஒரு இருசக்கர வாகனம், 29.04.2021 அன்று தூத்துக்குடி முத்துமாரியம்மன் கோவிலில் உள்ள உண்டியலை உடைத்து ரூபாய் 10,000ஃ- பணம், தூத்துக்குடி பைபாஸ் ரோட்டில் உள்ள ஒரு கல்லூரியின் முன்பு நிறுத்தியிருந்த ஒரு இருசக்கர வாகனம், 30.04.2021 அன்று கால்டுவெல் காலனி பகுதியில் வீடு புகுந்து 6 பவுன் தங்க நகை, மடிக்கணினி, செல்போன் மற்றும்; ரூபாய் 3,000ஃ-பணம், லயன்ஸ்டவுண் பகுதியில் வீட்டு முன்பு நிறுத்தியிருந்த இருசக்கர வாகனம், செல்போன் மற்றும் பணம் ரூபாய் 7,120ஃ-, இந்திரா நகர் பகுதியில் வீட்டு முன்பு நிறுத்தியிருந்த ஒரு இருசக்கர வாகனம், 01.05.2021 அன்று கால்டுவெல் காலனி பகுதியில் வீடு புகுந்து செல்போன் மற்றும் இந்திரா நகர் பகுதியில் வீட்டு முன்பு நிறுத்தியிருந்த ஒரு இருசக்கர வாகனம் ஆகியவற்றை திருடியதும் தெரியவந்தது.

மேற்படி தனிப்படையினர் எதிரிகள் மரியக்கண் ஜென்ஸ்டன் மற்றும் நான்கு இளஞ்சிறார்களை கைது செய்து அவரகளிடமிருந்து மொத்தம் ரூபாய் 1.75 லட்சம் மதிப்புள்ள 5 இருசக்கர வாகனங்கள், மடிக்கணினி மற்றும் 7 செல்போன்களை கைப்பற்றினர்.

பல பகுதிகளில் திருட்டு மற்றும் கொள்ளை வழக்கில் ஈடுபட்ட மேற்படி எதிரிகளை தீவிர விசாரணை மேற்கொண்டு விரைந்து கைது செய்த தனிப்படையினரை மாவட்ட காவல் கண்காணிப்பாளர் திரு. எஸ். ஜெயக்குமார் அவர்கள் வெகுவாக பாராட்டினார்.