திருச்செந்தூர் அருள்மிகு சுப்பிரமணிய சுவாமி திருக்கோவில் பல்வேறு திருப்பணிகள் மற்றும் கல்வி நிலையங்கள் அமைக்க இடம் தேர்வு தொடர்பான ஆய்வு

தூத்துக்குடி திருச்செந்தூர் அருள்மிகு சுப்பிரமணிய சுவாமி திருக்கோவில்  பல்வேறு திருப்பணிகள் மேற்கொள்வது தொடர்பாகவும், கல்வி நிலையங்கள் அமைக்க இடம் தேர்வு தொடர்பாகவும்  மாண்புமிகு தூத்துக்குடி நாடாளுமன்ற உறுப்பினர் திருமிகு.கனிமொழி கருணாநிதி அவர்கள், மாண்புமிகு இந்து சமயம் மற்றும் அறநிலையத்துறை அமைச்சர் திரு.பி.கே.சேகர்பாபு அவர்கள், மாண்புமிகு மீன் வளம் - மீனவர் நலத்துறை மற்றும் கால்நடை பராமரிப்பு துறை அமைச்சர் திரு.அனிதா ஆர்.ராதாகிருஷ்ணன் அவர்கள் ஆகியோர் நேரில் சென்று ஆய்வு செய்தனர்.

------------------------------------------------------------------------------------------------------------

தூத்துக்குடி திருச்செந்தூர் அருள்மிகு சுப்பிரமணிய சுவாமி திருக்கோவில்  பல்வேறு திருப்பணிகள் மேற்கொள்வது தொடர்பாகவும், கல்வி நிலையங்கள் அமைக்க இடம் தேர்வு தொடர்பாகவும் மாண்புமிகு தூத்துக்குடி நாடாளுமன்ற உறுப்பினர் திருமிகு.கனிமொழி கருணாநிதி அவர்கள், மாண்புமிகு இந்து சமயம் மற்றும் அறநிலையத்துறை அமைச்சர் திரு.பி.கே.சேகர்பாபு அவர்கள், மாண்புமிகு மீன் வளம் - மீனவர் நலத்துறை மற்றும் கால்நடை பராமரிப்பு துறை அமைச்சர் திரு.அனிதா ஆர்.ராதாகிருஷ்ணன் அவர்கள் ஆகியோர் நேரில் சென்று ஆய்வு செய்தனர். ஆய்வின் போது, இந்து சமய அறநிலையத்துறை செயலாளர் திரு.குமரகுருபரன்,இ.ஆ.ப., அவர்கள், இந்து சமய அறநிலையத்துறை ஆணையர் திரு.சந்திரமோகன்,இ.ஆ.ப., அவர்கள், இயக்குநர், சுற்றுலா மேம்பாடு திரு.சந்தீப் நந்தூரி,இ.ஆ.ப., அவர்கள், மாவட்ட ஆட்சித்தலைவர் மரு.கி.செந்தில்ராஜ், இ.ஆ.ப., அவர்கள், மாவட்ட காவல் கண்காணிப்பாளர் திரு.எஸ்.ஜெயக்குமார், இ.கா.ப., அவர்கள், சட்டமன்ற உறுப்பினர்கள் திரு.மார்க்கண்டேயன் அவர்கள் (விளாத்திக்குளம்), திரு.சண்முகையா அவர்கள்  (ஒட்டப்பிடாரம்) ஆகியோர் உடனிருந்தனர். 

       

         ....                                           ஆய்வின்போது, திருச்செந்தூர் அருள்மிகு சுப்பிரமணிய சுவாமி திருக்கோவிலில் பக்தர்கள் தங்கிட கட்டப்பட்டு வரும் யாத்திரை நிவாஸ் கட்டிட பணிகள் தொடர்பாகவும், கிரி பிரகார பகுதியில் கல் மண்டபம் அமைத்தல் தொடர்பாகவும், மேலும், கும்பாபிஷேகம் செய்து 12 ஆண்டுகள் முடிவடைந்துள்ளதால் கும்பாபிஷேகம் செய்ய நடவடிக்கைகள் எடுப்பது தொடர்பாகவும், மேலும், ஏழை பக்தர்கள் அதிக அளவில் வரும் திருக்கோயில் என்பதால் அவர்களுக்கு தேவையான வசதிகளை செய்து தருவது தொடர்பாகவும் ஆய்வு செய்தனர். மாண்புமிகு தமிழ்நாடு முதலமைச்சர் அவர்கள் திருப்பதியை போல திருச்செந்தூர் கோவிலிலும் பல்வேறு வசதிகள் செய்யப்படும் என அறிவித்துள்ளார்கள். அதன் அடிப்படையில் மேற்கொள்ள வேண்டிய பணிகள் குறித்தும் ஆய்வு செய்தனர். மேலும், திருச்செந்தூர் பகுதியை சிறந்த சுற்றுலாதலமாக மாற்ற பெரிய பல திட்டங்கள் கொண்டுவரப்பட உள்ளது என்பது குறித்தும் ஆலோசனை மேற்கொண்டனர்.   

ஆய்வின் போது, உதவி ஆட்சியர் (பயிற்சி) திரு.ஸ்ருதஞ்ஜெய் நாராயணன், இ.ஆ.ப., துணை காவல் கண்காணிப்பாளர் திரு.ஹர்ஸ்சிங், இ.கா.ப., திருச்செந்தூர் கோட்டாட்சியர் திருமதி.கோகிலா, இந்து சமய அறநிலையத்துறை இணை ஆணையர் திரு.அன்புமணி, முக்கிய பிரமுகர்கள், திரு.ஜெகன் பெரியசாமி, திரு.உமரி சங்கர், திரு.ஆனந்த சேகரன், உதவி ஆணையர் திருமதி.ரோசாலி சுமதா, இந்து சமய அறநிலையத்துறை உதவி கோட்டப்பொறியாளர் திரு.ரவிச்சந்திரன் மற்றும் அலுவலர்கள், முக்கிய பிரமுகாக்கள் கலந்து கொண்டனர்.