மாண்புமிகு தமிழ்நாடு முதலமைச்சர் அவர்கள் சென்னை தலைமைச் செயலகத்தில் இருந்து காணொலி காட்சி மூலம் தூத்துக்குடி மாவட்டம் புதுக்கோட்டை சார்பதிவாளர் அலுவலகத்தினை திறந்து வைத்தார்கள்
-------------------------------
மாண்புமிகு தமிழ்நாடு முதலமைச்சர் அவர்கள் சென்னை தலைமைச் செயலகத்தில் இருந்து காணொலி காட்சி மூலம் தூத்துக்குடி மாவட்டம் புதுக்கோட்டை சார்பதிவாளர் அலுவலகத்தினை இன்று (07.12.2021) திறந்து வைத்தார்கள். அதன்பின்னர் புதுக்கோட்டை சார்பதிவாளர் அலுவலகத்தில் மாவட்ட ஆட்சித்தலைவர் மரு.கி.செந்தில்ராஜ், இ.ஆ.ப., அவர்கள் குத்துவிளக்கேற்றினார்கள். மேலும் மரக்கன்று நட்டி வைத்தார்கள்.
புதுக்கோட்டை சார்பதிவாளர் அலுவலகம் சுமார் 25 சென்ட்; (3230 சதுர அடி) பரப்பில் சுமார் ரூ.93.26 லட்சம் மதிப்பில் சுற்றுச்சுவர் வசதியுடன் கட்டப்பட்டுள்ளது. பொதுமக்கள் காத்திருப்பு அறை, சார்பதிவாளர் அறை, கணினி அறை, பதிவு வைப்பு அறை, மதிய உணவு அறை, இ சான்றிதழுக்கான அறை, மாற்றுத்திறனாளிகளுக்கான சாய்வுதள அமைப்புகள், அவர்களுக்கான கழிப்பறைகள் மற்றும் அலுவலர்கள், பொதுமக்கள் பயன்பாட்டிற்கான அறை, ஆண் மற்றும் பெண்களுக்கான தனித்தனியாக கழிப்பறை வசதிகள், உள்ளது. குடிநீர் வசதி செய்யப்பட்டுள்ளது.
நிகழ்ச்சியில் திருநெல்வேலி பதிவு மன்ற துணை பதிவு தலைவர் திரு.ரு.ளு.ஆறுமுகம், தூத்துக்குடி மாவட்ட பதிவாளர் திரு.ஆ.பால்பாண்டி, தணிக்கை மாவட்ட பதிவாளர் திருமதி.நூர்ஜஹான், நிர்வாக சார்பதிவாளர் திரு.குருசாமி, வழிகாட்டு சார்பதிவாளர் திரு.மகாராஜன், பஞ்சாயத்து தலைவர் ஆகியோர் கலந்துகொண்டனர்.
கருத்துகள்
கருத்துரையிடுக